احلام الصغار
لو كان زماني يعود بي تاني
وأرجع معاه لأحلام الصغار
أحلام جميلة ووحشاني
وأجمل ما فيها فجر النهار
فجر بكرة كان لسة جاي
كان لسه ساكن في الحلم حي
شط وفنار مافيه جدار
مافيه حدود
والحلم طاير مادد جناحه
من غير قيود
وعيون جميلة ماليها ضي
تطوي هموم العمر طي
أيام جميلة والله يا خي
أحلام بترقص ماليها زي
لكن خلاص العمر عي
والحلم راح كأنه غي
راح بعيد خلف جدار
منقوش عليها أحلام كبار
لما كنا ننام ونصحى
في حضننا حلم الصغار
يحيى حسين القاهرة
18 نوفمبر 2020
ليست هناك تعليقات:
إرسال تعليق