قصيدة شعبية تحت عنوان{{نسيت_اني_حبيتك}} بقلم الشاعر المصري القدير الأستاذ{{ايمن شتا}}

#نسيت_اني_حبيتك

#كلمات_ايمن_شتا 

نسيت اني حبيتك.. وبفتكرك في اوجاعي..

وصبر قلبي على وجعي.. وبمسح حزني بدموعي...

 واقول انساك الاقيني.. بشوفك صورة في عنيا..

وأية تاني هيجرالي.. كفايه كل دا فيا..

 وبفتكرك الاقيني.. بمسح دمعي بايديا...

... 

كفايه حرام يا ايامي.. معدش كلام وايه تاني..

عشان انساك.. القاني.. تعبت خلاص وفاض بيا..

نسيت اني حبيتك.. وبفتكرك في اوجاعي..

وصبر قلبي على وجعي.. وبمسح حزني بدموعي..

... 

وأه من جرح جوايا.. واه من قسوة الذكرى..

عايزة لجرحي دا نهايه.. عشان اعرف اعيش بكرة..

بقت عيشة ع الاوجاع.. دموعي تكوي ليه جرحي

كفاية يا قلبي فاض بيا.. انا مش قادرة على وجعي

... 

وايه تاني هيجرالي.. كفاية كل دا فيا

وبفتكرك الاقيني.. بمسح دمعي بايديا

نسيت اني حبيتك.. وبفتكرك في اوجاعي

وصبر قلبي على وجعي.. وبمسح حزني بدموعي

....

ايمن شتا