$ عيني ع غزة $
بقلم/عماد الأبنودي
••••••••••••••••
عيني على غزة
النااااااار تحرقها
و كله مشغول بالتافهات
حد صعبت عليه جراحها
أو قال لها مليون سلامات
يا خلق عيب اختشوا
ليه كلو مغيب فالسكات
فينها شهامة عروبتنا
ولا بقت ماضي وفات
شاغلين روحكم
بحاجااات فاضيه
ومين ترند الحكايات
و الوضع بجد
مهين و مؤسف
حتي شوارعها
تنزف جراحات
والأبطال شايلين أكفانهم
صامدين لحالهم ف الساحات
لا بيدور ع شو إعلامي
و لا لقطة ف الترندات
حقيقي خسارة
و يا ألف خسارة
لو قلنا ع بعض أخوات
و الدموع جفت منابعها
و تاهت خلاص وسط
الصراخات ...
يمكن غفلنا صوت المدافع
و مش سامعين صووووت
الآهات
إبكي ياااا عين
دوماً على حالنا
بشر بصحيح لكن أموات
،، بقلم ،،
عماااد الأبنودي
11 , 6 , 2024
ليست هناك تعليقات:
إرسال تعليق