"وهنت عليك"
وهان عليك عيشي وملحي
وكل ملامحي
نفضت ايديك..!!
نسيت القلب اللي
كان شايلك
ودوست عليه..
وبعت العشرة والمعروف
وقلت ظروف..
دا لو كان حبك حقيقي
مايعرف عمره
معني الخوف
وهنت عليك
وهان حالي وسهري
وانشغالي عليك
وكل اللي ضحيت بي
علشانك.. ولاجل عينيك
وهانت كل ايامنا وليالينا
رميتها ودوست اوي برجليك
ظلمت الحب وجرحت الإيد
اللي كانت محاوطة عليك
دا زمن دوار ولو النهاردة
ضحك لك..
بكرة تبكي ويبكي عليك
وهنت عليك...؟؟
وهان عيشي وملحي
وكل ملامحي.
(ميرڤت ناشد)
ليست هناك تعليقات:
إرسال تعليق