#لحن_حزين
عازف على جراحي لحن سعيد اسمعيه
إيدك حاضنه أيده و حُبي نسيتيه
كنت لحني كنت لحنك
أسمي كنتي بتعزفيه
رمش عيني زمان كنتي تتهادي عليه
كنت لحني كنت لحنك
الحلم زمان كان بُستانه أنتي
والسما لحلمي كمان أيوه كنتي
كنت لحني كنت لحنك
ضمة أيديكي لأيديه تطمنه
زي طفل في حضن أمه تهننه
كنتي لحني كنت لحنك
فاكره زمان ايوه زمان
لكن من قريب مش من زمان
يعني كده أيام الحنان
قبل ما نسيب روحنا للجنان
قبل ما قلب يرحل و رحيله هان
كنتي لحني كنت لحنك
بعد الفراق لسه انتي نبض الروح لقلبي
لسه بقول عنك حبيبتي لسه ليكي حبي
كنتي لحني كنت لحنك
حتى لو نسيتي حبي عيونك لسه فكراه
لما جت في عيني شوفت الشوق و مداه
كنتي لحني كنت لحنك
حسن سعيد ابراهيم
#أيكادولي
ليست هناك تعليقات:
إرسال تعليق