#أنين_الروح
ساكنه الألم ولا إلألم ساكني
ياروح محبوسه جوا مني
نفسي أخدك واطير بجناح و ضفاير
وارجع معاكي لِسن كان القلب طاير
و لا قيود ولا حتى في مسؤوليه
ولا دموع في العين مستخبيه
آآه يا عمر عدى مني جراح
آآه ياروح حبيسة البراح
ليه كل الجوارح شيفاني الغنيمه
ليه نور السما محجوب تحت غيمه
رغم أن تكويني حاضن همهم
و بدعي ليهم يتحقق حلمهم
يا جراح العمر كفايه أوي كده
ليه بتظلمي مش حرام كل اده
خلاص نويت أعيش لنفسي
و أقتل نبضي لو قالي حسي
و اداري عنك يادنيا غداره دموعي
ووحدي في الخفا تكون شموعي
ضحكتي بس أرسمها في لوحة ألوان
و أخلي الشوك ليكم كاسي العيدان
ده طلبكم وظنكم بحالي
إن البال رايق كمان خالي
طيب تعالوا نبدل الأدوار
وإن الزمن بيكم لف ودار
وإني أنا الفرح يوم جاني
و كمان بقيت عليكم جاني
تفتكروا أنسى أحزاني بهمكم
ولا هاكون السعيده بظلمكم
للأسف عشانكم هاعاني
و ارجع أسكن أحزاني
لاني بقلب ملاك بينكم بعيش
مين غدر مين خان مايهمنيش
مايهمنيش
حسن سعيد ابراهيم
#أيكادولي
ليست هناك تعليقات:
إرسال تعليق