#روحي_كلِمتها
يا خلق يا هوه حد يقولها
لا محتاجه أحمر لشفايفها
ولا جمال عينيها لكُحلها
أنا دوبت من شذى عطرها
يا ناس دلوني على بيتها
أروح طالب حَننها و ودها
طيب سألتها
الجميل أيوه أنتي مُرتبط دبحني ردها
رفعت حاجبها وجرح جاني من رمشها
شوفت الشوق ورد اترسم على خدها
بكل ذوق ورقه مدت نِحيتي يدها
تخيلوا كاتبه أسمي وشم على كفها
يانهار أبيض أنا حتى مَعرف إسمها
عارفه إنك مش عارفني
فاكر زمان مدرستك أنا كنت ساكنه جنبها
كنت أشوفك يوماتي خطوتك قلبي حَبها
أتمنيت يجي من عينيك في عيني سهمها
صاحبتي حَسِت بيا كان نفسي مره أقولها
رغم شوقي ليك تعبت روحي من سِرها
وشوفتك من يومين نبضة قلبي سمعتها
لحظه ده كله و اختفت
أنا كنت بحلم ولا حقيقه دي كانت عيونها
دي كانت بِضفيره طفلة بريئه تِحسها
كنت زمان بلاعبها يا حبيبي كنت بقولها
كنت بطبطب عليها لو حد مره جرح قلبها
كِبرت كده معقوله راح من عيني رسمها
كل العُمر راح وحيده شايله عشاني حُبها
يارتني تاني أرجع أشوفها ولا أعرف حيها
جاتني في حلمي غيرت حياتي و مرها
لكني تايه في دنيتي بعد ما قابلتها
يا مين يجمعنا تاني أعيش مُخلص لها
عُمري راح جراح ما أرتاح عايش سواح
غير لما في حلمي لحظات بروحي كلمتها
حسن سعيد ابراهيم
#أيكادولي
ليست هناك تعليقات:
إرسال تعليق