قصيدة{{ذاكرة قلب }} بقلم الشاعر السوري القدير الاستاذ {{جمال خضور}}

قطفةشعر.. من(زورق الليل)

 (ذاكرة قلب) 

قَلّا اقعدي حدّْي..

نتذكَّرْ..

أيامْ منْ العمرْ راحتْ..

وبعدا بالقلبْ.. 

سكَّر..

أيامْ كنّا صغارْ..

نتمرجحْ.. بمراجيحْ..

معلَّقا بهاكْ الشجرْ..

وتشوفنا عصافيرْ..

وماتخافنا.. 

نِكْبَرْ..

أيام ْهاكْ الولدنة..

شو كنّا نلعبْ سوىٰ..

 نتخبّا ورا الحيطان..

نخربشْ صورْ..

ويضحكوا الجيرانْ..

وَمرَّاتْ نحكي عَ جنيّاتْ..

مانشوفا وعنّا مخفيّة..

روحْ ضمّكْ عَ صدري بحنيّة..

لَ تخافي منْ العتمة..

ولا تاخدكْ جنيّة..

بتتذكّري الضحكاتْ..

شوحلوة بهاك الصدىٰ..

سرقتها الريحْ..

وخبّاها المدىٰ..

ولوووو.. ولو..

ياهالعمرشوكبرنا..

ولسّا جوّاتنا صغارْ..

ونسينا ياهالعمرشبْنا..

وبعدا لهلّق.. بتغارْ..

وتستحي..

كل ماحكّيتها شو صارْ..

بتقلّي.. حاجي استحي...

ولوووو..ياغندورة..

كانتْ بوسة..

ولَملَمتْ دمعة عن خد.ْ..

صغارْ بهاكْ العمرْ كنّا..

ولامنعرفْ غيراللعبّ.. 

عن جَدّْ..

كبرنا وعملنا منْ قوسْ السَّما..

زنّارْ..

ملوَّن عَ خصرك.. ياعمري..

سبعْ ألوان..

وألوانْ. الدّْني  تلبقلكْ..

حَدّي بتكوني..

وبضَلّْ إشتقلِكْ..

نيسان.ْ. 

ورَحْ تبقي العمرْ نيسانْ..

كبرنا وبعدا الولدنة نحبّا..

ولاتاكلي هَمّْ.. 

وليش تَ نتخبّا..

قومي  نطفي هالقنديلْ..

وعَ فراش الْهَنا نغفا..

يمكن حلم الولدني يمرقْ..

ويشوفنا بهاك الهوىٰ نغرق..

وقبلْ الصبح ْ.. 

ما يفتّح عيونوا..

نحبس هالحلمْ ياغندورة..

ونضلّْ صغارْ..

ولابقىٰ.. نكبرْ...

          بقلمي/جمال خضور