بنت بنوت
……………
صبية هى
زى القمر
ليلة البدر
دايما ًف اكتمال
وشباب زى الفل
من قبلى وبحرى
حبوها
وقروا فاتحتها
وخطبوها
ولبسوا الدبل كمان
ولبسوا البدل كمان
سنهم ضاحك
رمشهم عايق
ينام على خيش
وعينه مفتحة…
واقف على الحدود
حارسها …
يبص لها
وهيا بتضحك
ف الوشوش
يقوم ف الصبح بدرى
يدي التمام ويحي العلم
ويقدم روحه كمان فداء
وناس كتيييييير قوى…..
مش مصدقة
وبتسأل…؟
ازاي بتحبل وتولد
كل يوم …؟
وهى لسة.
بنت بنوت
…………………..
بقلمى // جمعه عبد المنعم يونس //
مصر العربية
ليست هناك تعليقات:
إرسال تعليق