(زمن الفلوس)
الزمانده اسمه ايه
محتار أختارله إسم
الزمانده شكله ايه
محتار أوصفله رسم
¡¡¡¡¡¡¡¡¡¡¡¡
فى الزمانده كل شيئ بقى بالفلوس
حتى القلوب حتى الضمير حتى النفوس
الأخ علشان قرش يبيع أخوه
وينسى انه ابن أمه وابوه
حتى الدم أصبح كأنه عرقسوس
***
فى الزمانده ايه جرى للناس ياناس
ايه اللى خلاّ القرش ينعشق
ينباس
الحب ليه والوفا اختفو من قلوبنا
والصدق ليه تحت القدم ينداس
الفلوس مهما نعيش حتما تسيبنا
***
فى الزمانده الغنى ناسى الفقير
قال اللى معاه فلوس هوه الكبير
والناس تقوله يا سعادة المليونير
يقدر يبيع ويشترى اللى فى باله
والناس هتبأه دايما محتجاله
يعنى النص نص والكبير دايما كبير
***
فى الزمانده معاك فلوس هتساوى كام
مش مهم ان كات حلال أو كات حرام
المجرمين خلو حياتنا دى ظلام
فيها أسود ونمور وكمان ديابه
الضعيف فيها مابيعشّى فى سلام
***
فى الزمانده بالفلوس نظلم بريئ
ونحبسه مع انه مارتكبش شيئ
فى الزمانده نقول على النصاب أمين
بالفلوس يتحول المخلص مسيئ
***
فى الزمانده نسينا ايه كلمة صحاب
كأنها مالهاش وجود أوسراب
ولا عاد صديق مخلص لصاحبه
بالفلوس هتلاقى كل الناس صحاب
***
فى الزمانده القرش كل حاجه فيه
حزين وقلبى دمعه نازل من عنيه
نفسى اشوف كل البشر عايشين فى حب
كلنا محتاجين للمسه من ايديه
***
باقول تعالو نحب بعضنا فى الله
والقرش لوهيضرنا ننساه
وكل واحد تاه يصحّى ضميره
وزي مايحب نفسه يحب غيره
داللى مالوش ضمير مالوش حياه
***
الزمانده بإختصار زمن الجنيه
هوه أحلى اسم النهارده يليق عليه
قلولى إمتى ياناس هنغَيره
والصدق والحب فى حياتنا يظهرو
هيّا الحياه من غير محبه تساوى ايه؟
❓❓❓
👓تعجب👓
شاعرالإحساس
⚘رضا عبد الحميد⚘
ليست هناك تعليقات:
إرسال تعليق