رحلة النسيان
نقيت كل الكلام
إللى يبعدنى عنك
وبعدت عن الاحلام
إللى رسمها قلبك
وكل حروف الغرام
إللى نطقت باسمك
بين الشوق والهيام
إللى كتبها همسك
وقلت اكتب كمان
وأحلم كتير ببعدك
واقول دا والله خان
وأنشد كتير فى غدرك
وجربت على النسيان
ومعايا كل صدك
وتوهت عن المكان
إللى ودانى عندك
بس لقيت الكلام
بياخدنى عند حدك
بينسينى الآلام
وينسى كل عندك
ولما لقيت النسيان
واقف معاك فى صفك
نسانى كل الكلام
وافتكر بس حبك
كلمات
الشاعر / محمد السيد سالم
ليست هناك تعليقات:
إرسال تعليق