"زفة شهيد"
گلب ينزف، وَطن ينزف، حتى صرخات المآذن تعتلي بأصوات تنزف، عَلم ينزف، دمع ينزف، وشبان بتوابيت ودمع للمگابر تنزَف، كلشي بعراقي ينزف
يا دمع ام الشهيد بروج الفجع تتفرفح
عفت جم گليب متفرفح
يا صرخات أم العراق شلون أواسيها يا فجعتج
يا براكين الحزن بگليبج تضرحت
يا وطن حتى العَلم ينزف !!
افيييييش يَصويحب دمع وأحزان
يعراق مالك كاره الفرحة؟ يعراق بكل بيت ومحلة زرَعتلك دَمعة.. يعراق ترابك صاح الويل
هذولة منين شبان المگابر
انه ما أنيم جواي هالعرسان، يا فجعتج يا مگبرة
يا لوعة ليل وصباح الفاگد عزيز
يا ظلام المگابر هلبت بيك حنية!
هذا ابن البارحة ومو هاي المرجية
أصرخ يا عراق أصرخ
شد حيلك لجن متعوب بس تفرح
وحق ضرح الشهيد ما نرضاهه تتفرهد
وانا عراقي أصولن حد المنية !
مشيت وما هزلي چفن ما أرجع، خفت موطنيّ ما يرجع
يا دم يچنك حنة، تحنت بيك عرسانك
أضحك يعريس المگابر، باچر بهلهولة وجكليت عراقنا نزفه، ونضحك، وتلگانة بكل صلاة وفرحة نتذكرك شهيد وشرف لعراقنا نذكرك .
#زهرة طالب .
العراق: بغداد
٢/١٢/٢٠١٩ الإثنين
ليست هناك تعليقات:
إرسال تعليق