قالوا زمان
مفيش حلاوة من غير نار
وطول ما فيها قلوب عاشقة
فيها رحيل وانتظار
وعشان تحس قلب
لازم يكون لك قلب
وعشان تحس النبض
أتعلم فنون الحب
-------------------
ميت ولا عايش
عاقل ولا طايش
رافض أكون احتياطي
رافض أكون هامش
وأنا اللي علمتك
كل قوانين الحياه
وأنا اللي فهمتك
وأنا اللي طلعتك
بحنيتي من جوا اه
وأنا اللي من حروفي
اتحديت ظروفي
رجعتك مره تانيه للحياه
ممكن تجوبيني
لما انت عاوزه تهجريني
وتهون عليك محبتي
لزمتها ايه تعوديني
وتحسسيني بالحياة
فاكره دموعك
والله كنت منها يفهمك
ولما احسك بين ضلوعي
تجري مشاعري ترسمك
ولما يشتد شوقي ليك
يعزفك شعوري
تجري حروفي تكتبك
عارفه أهم حاجه
انك كنت عندي كل حاجه
لما كنت محتاجك
ولما كنت محتاجه
دلوقتي بقيت صوره بهتانه
مرايا بس مشروخه
إحساسي بيك موجود
بس مشاعره مكسوره
عاوزه تفهميني ايه
أنه مكنش حب
مكنش احساس وقلب
ولا أنه مجرد اهانه
للأسف اهانه مقصودة
ميت ولا عايش
رافض أكون ضلك
او شيء علي الهامش
احمدعبدالحق
ليست هناك تعليقات:
إرسال تعليق