ياليل يابو السهارى الحيرانين
قولي منين ضي القمر يبزغ حنين
ومنين يجي اللقا للعطاشى المشتاقين
ولا منين يبقى زرع الحصاد امل لليائسين
الواد راكب دماغه مش ناوي
يرسم الضحكه على وش الحزين
ولا ناوى خير للغلابة الشقيانين
علشان عتريس رافع سلاحه
اللى اشتراه بدم الفلاحين
وكل رشدي راكب حصانه الخشب
وعامل فارس ماهو عصر الخيبانين
وفؤاده واقفه بتلملم حبات الخير
وتنادى ياخلق مين
مين عصى الولد وياعينى عالولد تاه منه الطريق
والصحبه الطيبين
عاشق فؤاده من وقت قلبه ماكان شايل الخير وزين
اصحى ياعم العشق باطل والخير ميتكيلش بمكيالين
اوزن امورك وارجع لطينك لحسن الكيل طفح كيلين
رجع فؤاده لاهلها واطلق سراح حلمها
اللي استعصى طول السنين
ده الخير كتير والحصاد وفير لولادها الطيبين.
مصطفى عبد النبى
ليست هناك تعليقات:
إرسال تعليق