#ما_تحبنيش
عادي جدا مش هاحبك
من دلوقتي مش حبيبتي
واللي فات كمان والذكريات
طيب نبضي ليك و الكلمات
تحبي أنساها و لا أمحيها
زي أحلامي إللي هدتيها
قولي إيه كمان يسعدك
تحبي حياتي تنهيها
عايزاني أكرهك ...هاكرهك
هنا و بين حروفي كمان
لكن لا تسألي عن زمان
عن حب كان يملى المكان
لكني هاكرهك بقسوة حبيب
هاكره جرحك وجرحي
و أكون طبيب
إياكِ تفكري
هواك عني يغيب
غيبي زي ما تحبي
غيبي حتى عن روحك
أتحملي دموعك و جروحك
أظهري عليا قسوتك
لكن أمسحي قبلها دمعتك
قبل ما تقولي ماتحبنيش
جربي أنتي مره ماتحبنيش
لو قدرتي أنتي
تعالي هاضمك و أقولك ماتخافيش
حبك جوايا ما بينتهيش
حسن سعيد إبراهيم
#نبض 💓 #يكتبه ✏️
جمهورية مصر العربيه
ليست هناك تعليقات:
إرسال تعليق