الدنيا أحلوت
الدنيا أحلوت معاك
الأصوات عليت ليك
والأشجار أخضرت بيك
طرحت فل وياسمين
والعصافير غنت ليك
بست الحلوين .. ياأحلى الحلوين
..........................................
الأحزان فلت
والأفراح حلت
والناشفة أبتلت
بيك يانورالعين
بست الحلوين .. ياأحلى الحلوين
..........................................
جاني حسادي
يطالبوا بعادي
شيئ مش عادي
وفيك طامعين
بست الحلوين .. ياأحلى الحلوين
..........................................
مديتلك الايدين
وحلفت اليمن
مايفرق بينا اتنين
مخلوق لو هو مين
بست الحلوين .. ياأحلى الحلوين
..........................................
أنا ليك حبيت
بهواك أنتهيت
وبعشقك عليت
ولحزني نهيت
بست الحلوين .. ياأحلى الحلوين
..........................................
شوقي ليك متين
تعالي ياضي العين
وأديني قبلتين
وياك أعيش سنين
بست الحلوين .. ياأحلى الحلوين
..........................................
محتاج منك حنين
قربك عطر ورياحين
وجمالك زيه مين
طول ماأنت جنبى
في حبك سجين
بست الحلوين .. ياأحلى الحلوين
..........................................
هعيش وياك
وأسعد بهناك
وأذوب بهواك
وأستحمل شقاك
وتغرقينى حنين
بست الحلوين .. ياأحلى الحلوين
..........................................
الدنيا أحلوت معاك
بست الحلوين
خالد المنصوري/مصر
24/2/2020
ليست هناك تعليقات:
إرسال تعليق