خصلة شعر
ياريتني ورقة بشجرة غار
بإيدك تقطفي الورقة
بخجل أنا وقلبي يحتار
بصيح من بكير
هيدي سرقة
أقطفيها تزيني فيها
لو على طرف الشال
ع خصلة شعر
إتمايل معك بهالمشوار
يغاروا منك صبايا كتار
يتغامزوا ويتهامسوا
وجمالك بعدوا بأولوا
يكتر الحكي بالحي
كلامهم متل شربت مي
ياريتني ورقة بشجرة غار
بإيدك تقطفي الورقة
رح تقشعي ضحكاتهم
غمزاتهم حركاتهم
طريق يمكن يقطعوا
يمكن تسمعي كلمة غزل
يمكن تعيشي لحظة أمل
وعيونن عم يتساألوا
صبية متل عود الريحان
تتمختر متل الغزلان
سبحان الله شو مزينة
بمشيتها بتغلي غلي
لاتسألي لاتسألي
ياريتني ورقة بشجرة غار
بإيدك تقطفي الورقة
يمكن تخجلي من نسمة هوى
خليكي عم تمشي سوى
كلامهم مالو دوى
ضلي قوية وتماسكي
لاتردي على كل الحكي
أفكارك يمكن مشربكي
بخطواتك لاتتلبكي
كلوحكي كلو حكي
وقعدي
قدام مرايتك
طلعي فيها وحاكيها
شوفي شوهيي حكايتك
ضلي تذكري وتذكري
ورقة الغار والشّال
بالمشوار حلمي
محمد غريب كامل /سورية/
ليست هناك تعليقات:
إرسال تعليق