ح تصدقي؟-(قصيدة بالعامية)
********
الشاعر/أحمد عفيفي/مصر
******
لو قلت انا الطير اللي فأفأ
واستوى على كف ايدك
وانا النبض المهاجر
من وريدك
واللي فاكر كل ليل
يغزل ليالى البعد
ضُليلة أمل
ايًاكى فاكرة انِك هناك
واني هنا
وان الغمام ح يغشنا
ازاي م بينا الوصل همزه
انا كل يوم الضُم ف حبًات
الزمن وانده واصيح
ازي بريدك غير صريح
وليه حمام الوصل
بيخبى الدليل
انا كل ليل تخرج مواويلى
تطبطب ع الجروح
وف كل بوح اتهجًى صورتك
صبايا
احس حوًايا بفراغ وامضُغ
قطوف الكلام
انا لسه شامم ف الحزام
ريحة مناديلك
فاكر صهيلك
لحن طالل ف السما
لسايا انا بسمع
شخاليلك وانغامك خلاخيلك
طب ايه دليلك ان انا
نسيتِك ف يوم؟
ازاي وانا الموشوم بحبِك
اتلفت وانظر لغيرك
ازاي وانا عنوانى/شكلي
فيه هديلك
ح استنى ضحكه مفسًره
ف سطور بريدك!
ليست هناك تعليقات:
إرسال تعليق