( ؛ ؛ ؛ ممكن سؤال ؛ ؛ ؛ )
أسأل سؤال وتكون
إجابته مقنعه
هوه احنا نكبر في الوطن
ولا الوطن من دمنا يكبر هنا
ولا هِناك كام وطن
نِدي لواحد قهرنا
والتاني مُر بصبرنا
هوه عرقنا للوطن
ويدوب كفاف لجُهدنا
والكفاف يصعب عليه
ولو سألتُه يقولنا
نحمدُه على سترنا مش طماعين
ولا حقد عُمرُه يذلنا
يا كفافنا قصدنا
عُمر الحساب مكان كده
الحكايه إنت وانا
وفيه كتير ناس زينا
الحكايه فى السكوت
الحكايه ليه نموت
الحكايه ليه أضحي
وليه تضحي
واللي عايزينُه يفوت
الحكايه فى صمتنا
الحكايه فى الأدان وفجرنا
الحكايه ليه يشيخ فينا الأمل
ولسه زرعينُه هنا
ليه يموت فينا النهار
و يتولد هنا ببتسار
ليه لَزِملُه حضانات عشان يفوق قبل الممات
هوه انته متعرفش اللي مات
كانوا شباب فيهم سِمات
كانوا حضنين السكات
بس شايلين من سكات
شئ من أمل أو قولْ رفات
فجأه تضربنا الظُلم
فجأه يلعنّه الصنم
فجأه يسحبنا الوهن
فجأه ينده صوت صَدَّر
بعد مأخدنا الحذر
خنساءُ عادت من زمن
تقول تعالوا للقمم
ليه نعيشوا بالصمم
ليه يدوب فينا الألم
ماتت طيور
سقطت همم
ذكرى بنعيشها بندم
......... ..... ... .. .
أحمد الصاوي مصر ٢٦ / ٧ / ٢٠١٣
ليست هناك تعليقات:
إرسال تعليق