قصيدة شعبية بعنوان {{وقْفِتْ قبالي}} بقلم الشاعر السوري القدير الأستاذ{{جمال خضور}}

قطفةشعر.. من(زورق الليل) 

وقْفِتْ قبالي.. 

والحَكي متْخَبّْا.. 

بْ تِمْْا.. 

تْسَرْبَلِتْ منْ شْفافها.. 

الكلماتْ.. 

بَعْدَكْ ياقلبي.. 

اتْشوفني حلوة؟ .. 

صرتْ بالأربعينْ.. 

وسَرْقِتْ هالْ سْنينْ..

كِلْ الحلا.. منّْي.. 

ولّْا..؟.. 

ما عنْدَك حكي.. 

تِحْكيهْ.. 

قلتلّها :

اكْسري لْمراية.. 

وتْطَلَّعي بعيوني.. 

زايدْ حلاكِ.. 

ولاتْصيري مجنونة.. 

جمالكْ!!!.. 

ألّله ياللي صَوَّرو.. 

ولافي رَسَّامْ.. 

بهالدني.. 

ياعمْري بيرْسمو.. 

كلّْ عتمة وإلها بْدورْها.. 

وإنتِ بدور الدني كِلّْا.. 

حلوة… 

وحَلاكي منْ الحَلا.. 

أكْتَرْ.. 

بَدرْأيام الصِّبا.. 

وصِباكِ منْ الصِّبا.. 

أصغَرْ.. 

ولِكْ يامجنونة.. 

مَسْجونة بِعْيوني.. 

وبعدنا بالهَوىٰ صْغارْ.. 

ولافينا انْخَتْيرْونِِكْبَرْ.. 

ولايْروحْ.. 

منْ هالروحْ.. 

عِشْقِ الولْدَنة..

صْغيرة.. 

ولو كِبْرِتْ سْنينْ العمرْ.. 

لاتْخافي ياقلبي.. 

وهالحكي..

لابَقىٰ تِحْكيه… 

       سوريا /جمال خضور