بحبك عايزة أقولها كتير
وموش لاقية لها تفسير
بحبك أيوة من قلبي
وبتمني تكون جنبي
بحب كلامك الهادي
وصوتك وانت بتنادي
بحب حنيتك ليا
وطبطبتك علي إيديا
يا نبض القلب من جوا
تعال أسكن هنا ف قلبي
ف روحي ف كل تكويني
ساعتها تكون نور عيني
أشوف الدنيا بعيونك
أنام وأصحى علي حبك
وأحب كل اللي يحبك
منايا أعيش كدة جنبك
معاك الدنيا شئ تاني
هابدد فيها أحزاني
وأعوض كل حرماني
وأعيش العمر من تاني
يا كل ما ليا ف أيامي
(ميرڤت ناشد)
ليست هناك تعليقات:
إرسال تعليق