الله لايجيب الزعل
حبيتها بالصدق وقلبي معاها احتار
ياريت اقدر ضمها وارفع لها الايذار
حطا بقلبي انا الحولت الليل نهار
واشرح لها قصتي واروي لها أسرار
ان حبت نسهر سوا وانظم لها إشعار
وأن حبت رح اخطفا والورد بعد زرار
الجدايل متل الدهب وصلت للزنار
والتم محبس دهب والتوت منه غار
مناي اه يامنى يادوحة الاسرار
قلبي بحبك وقع يانعمة الأقدار
ناطر رضاكي ياامل ناطر مهما صار
ناطر بعد النجم قلبي اليك طار
امانة لاتطيلي النوى انا ولعت بنار
والنار ماتنطفي الا بوصال بالدار
ما في عزول بيننا ولايدق باب الدار
نسهر حتى الصبح على نغمة الأوتار
اوتار عشق وهوى وفيروز يالله سهار
الشاعر فاتح سليمان ابو حكمت
ليست هناك تعليقات:
إرسال تعليق