٠٠٠٠٠بركة زمان٠٠٠٠
""""""""""""""""""""""""
آه يا بركة زمان
وحكاية كان يا ماكان
وين أيام القمح البلدي
والطاحونة والطحان
والفرن البلدي بحارتنا
والصاج وخبز النسوان
كان الخبز إله طعم
تأكل منه مش شبعان
وتقوم ونفسك بالزاد
ولسه كأنك جيعان
امي فلاحه وأصيلة
من نسوان أيام زمان
وبتقوم للعمل بكير
وسبحان العقل الكبير
قلبها عامر مليان
بتحب الخير لكل الناس
بالمحبة شو عمران
ما بتسأل لمين ومين
زمن من أحلى الأزمان
أمي بتخبز على الصاج
خبز مشروح
وخبز كماج
وبتحلب الصبح بكير
قبل عودة الفرسان
من البيدر والحصيدة
اهلا وسهلا بالشجعان
الواحد بيسوى مية
من زمنا هل الغلبان
بتحضر أحلى فطور
مشكل من كل الالوان
فيه الزيت وفيه الزعتر
وفيه الجبنة أحلى جبنة
واللبن واللبنة
ومن مستقات الألبان
والسمنة البلدية
شغل إيديها
وشغل إيديه
والزعتر من ارض بلادي
مروي بمية أغلى مية
نهر بلادي حبه بقلبي
مثل أولادي
هذا الخير من أرضي
ومن أرض جدادي
معمول بأحلى سواعد
سواعد أهلي وأولادي
بقلمي فيصل الحوري
الاردن
ليست هناك تعليقات:
إرسال تعليق