( لحـظــة!!)
********
لو تسمعي قلبي ياشوق
لو تخلعي طرحة ظنـونك
وتراعيني,.وتمحي ظنك
عند أول ضوء
وتكملي البسمه اللي
عطشانة للحظة شوق!
*
مع إني واقف جنب منك
بس تايه..والضنى بيزيد
ف بؤسى
وعـشان ماليش ف الـسما,
نجمة بتهديني
هـزّتني رعـشة امل
ومسكت خيط شمسي
*
وعـشان م تنــى تدوّرى
ف دفتر سنيني
وتفرضي كل الظنون
ح يـكون م بيني وبينك
شرط , ومعاهده:
غنوة امـل مع بسمتين
مع وردة مسقية بمودًه
يمكن يكون لسه احتمال
نِشبط ف لحظة لُقا!!
************
الشاعر/أحمد عفيفي
دمياط/ مصر
ليست هناك تعليقات:
إرسال تعليق