قصيدة غنائية تحت عنوان {{مالك يل حظ}} بقلم الشاعر المصري القدير الأستاذ{{محمد البريمى}}

شعر غنائى ..

(( مالك يل حظ ))

مالك يا حظ مخاصمنى ليه .. قاطع الود بينى و بينك ليه ..

بقالك سنين و إنت ناسينا .. كأنى جانى و محكوم عليه ..

كل م تقرب منى بتبعد .. و أما ألاقيك تسيبنى و تعند ..

كأننا مش على موعد .. مش عارف كل ده إيه  ..

          مالك يا حظ مخاصمنى 

ماليش نصيب ليه وياك .. ولا أنا مش على هواك ..

كاتب عليا الحزن ليه .. عشان يصاحبنى هنا و هناك .. 

لما عينى إشتكت من كتر الدموع .. و قلبى صار م البكا موجوع .. 

أجيب منين فرح و شموع    .. و أنا حظى قليل وياك  ..   

          مالك يا حظ مخاصمنى

لا. مسا ولا صباح .. ولا سؤال من الأحباب ..

اللى بينا كان و راح  ..  عيش و ملح صبح تراب ..

أعمل إيه ف بختى  و نصيبى .. مش لاقى حد يكون حبيبى .. 

و إنت ياحظ مش دارى بى .. ولا عامل ليا  حساب ..  ..

          مالك يا حظ مخاضمنى

بقلم الشاعر الغنائى ..

محمد البريمى ..