قصيدة شعبية تحت عنوان {{وجْهَكْ صبحْ}} بقلم الشاعر السوري القدير الأستاذ{{جمال خضور}}

قطفةشعر.. من (زورق الليل) 

"وجْهَكْ صبحْ" 

منْ عيون الصبحْ.. 

اتسَرْبلوا الكلماتْ.. 

وفاحْ العطرْ.. 

منْ شفافْ الكرزْ.. 

عَ وراقْ العمرْ.. 

ينشرْ الهمساتْ.. 

شو بعدْ ياهالصبحْ.. 

جايبْ.. 

احكيلي.. 

عِشْرةْعِمْرْ نحنا.. 

صْحابْ وحبايبْ.. 

ونحناهوىٰ نيسان.. 

والبسماتْ.. 

ضحكةعصافيرْ.. 

تعملْ مشاويرْ.. 

ورقصةجْناحاتْ.. 

ألله ياهالصبح.. 

كيف الندي يحبَّكْ.. 

فرحانْ يلعبْ..

ويطيرْ تَ يتْخبّا بعبَّكْ.. 

ويخَرْبِشْ حكاياتْ.. 

حكاياتْ قلوبْ عمْرانة.. 

منْ خوابي العشقْ.. 

سكرانة.. 

وآهْ ياسكرةْ الخَفْقاتْ.. 

بعيونْ مرسومة..

مْلَوَّنة منْ وراقْ.. 

زيتونة.. 

وجْهَكْ حبيبي.. 

صورةْصبحْ..

وشروقْ عَ خْدودو.. 

خَجَلْ.. 

وحمْرةْ وردْ.. 

عَ شْفافْ.. 

رحلةْسَفَرْ.. 

فيها الشَّهدْ.. 

وخيالاتْ.. 

وسْرارْ البدرْ.. 

والنجماتْ.. 

            سوريا/جمال خضور