/ واحـده, بـواحـده! /
**************
ياللى شبكتى القلب بعنيكى الكحيله
وكان فى ليلة قابلنا فيها بعضنا
والدنيا شاهده
ازاى نسيتى وليه غدرتى وفوتى
قلب بيعشقك حتى العباده..ازاى
كفرتى بالموده
انا قلبى من يومها انطوى م
بقاش بيضحك أو يغنًِى وفيه
ألم , وشجون وحزن , معادشى
قادر ع المناهده
انا من ليلتها أسير لحزنى
وحرقتى وبنده عليكى تقرًبى
وتمدى ايدك تشربى من كاسى
وتدوقى المرار ده
انا لسًه فاكر يوم م قلنا لبعضنا
ان الغرام بينًا اواصر وارتباط
زى المعاهده
وكنًا يومها ف الغرام دايبين
ولا حاسيناش بالدنيا حتى ف
ليلة بارده
ولا أىًِ قصة بالف ليله وليله
ح تساوى دقيقه ف عشقنا
زى النهارده
ازاى م بين شمس وضحاها
بعدتى عن عينى , وفؤادى
وكنتى جاحده
انا مش بلومك بس قولى ازاى
قدرتى تخدعينى سنين طويلة
عشان هذيانى يهدا
انا نفسى اشوفك وانتى فارده
شعورك الهادله على الكتفين
هايمه وشارده
ساعتها ح اقول لقلبى ايًااااك
تحِن عليها , أو تتمنى يوم
تهديها ورده
انا مش بحب الإنتقام , لكن
بشوف إنى اتغدرت ح اقول
واحده , بواحده!!
****************
الشاعر/أحمد عفيفي
مصر
ليست هناك تعليقات:
إرسال تعليق