نص ايامنا وجع
نشوف البخت في القهوة
نضرب ودع
نفرح نتوجع
حتي لما تنزل دموعنا
برضو بنتوجع
وانا قلتها الف مرة
فيها ناس تموت جعانه
وناس تانيه تموت من الشبع
--------------------------------
نص ايامنا فراق
ساعات نحس بشوق مالينا
وساعات نحس بالاشتياق
اكتر ايامنا فراق
تفرق كتير
لما حبيبك يجرحك
يدبحك
وتيجي تعتبه
والله حتي مايسمعك
مكتوب علينا
نعيش الحب ..نكتبه
مجرد مشاعر عالورق
تسرق من الاحساس لحظات
والباقي منك يتسرق
نص الحروف متكسرة
مفهومة ممكن
مهضومة يمكن
وساعات كتير متشفرة
النص حلو
والنص عكس الحلو
نصيحه مني وبامانه
مهما تكون عطشان
اوعاك تشرب
طول ماالمية معكرة
احمد عبدالحق
ليست هناك تعليقات:
إرسال تعليق