فرق كبير بين أنك عاشق
أو معشوق
صعب تحس رغم براءتك.
شايل ذنب معملتوش
ساعتها والله مش راح تفهم
مين اللشانق..مين مشنوق
أصعب حاجه تعدي عليك
لما تمد أيدك للخاين
وهو يخون
لما تحلم بأن الدنيا
حلم صغنون
وإلا تقابل النص التاني
وتقول مضمون
غلطان ..شاعر مجنون
لما تكون عايش أيامك
نظرة حزينه
ماتت كام مرة
لما تسافر جوا عيون
لازم تعرف كل ماتعشق
في الأخر تطلع ياعبيط
أو تطلع شيء مش مضمون
كل ماتكتر فينا البقعة
عمرها ماهتطلع بصابون
وعمر النظرة ماكانت صافيه
طول ما جوانا ظنون
أسمع ياابني نصيحه أخيرة
اوعي تسلم مفتاح قلبك
مهما بتفهم مسيرك تغلط
اوعي تتعلق بعيون
نظرة بنظرة
حرف بيكبرفي بطن الكلمة
كلمة توديك وتجيبك
كشف حساب كله بيتجمع
تطلع في الأخر مديون
فرق كبير لما بنشتاق
نداري الشوق
لمانحن لبعض دقيقه
قوام بنفوق
ولما تيجي الفرحة تزورنا
تنزل دمعة
أصل الدمع ده شيء متقدر
كل دقيقه الحال يتغير
حتي الأحساس بيحير
مرة تحس بشعرك شايب
ومرة صغير
دلوقتي هما اللي خونك
بكرة تخون
بس أمانة عليك لو تقدر
اوعي تصدق
اوعاك تعشق
مجرد انثي بعيون
احمد عبدالحق
ليست هناك تعليقات:
إرسال تعليق