هي ايه
انك تبيعي حب بسهولة
وانك تتوه منك انوثتك
انك تسرقي مني الرجوله
هي ايه
حالة عناد
ولا مكتوب علي الوردة تدبل
والربيع يعلن حداد
والحروف بسهوله تجرح
وكل مانحس بغرام
باشتياق
في الاخر كلامنا يدبح
هو ايه كل مانحلم
تلاقينا نندم
وكل مانحس بشهدها
نحسه علقم
مكتوب علينا نبقي بعاد
تيجي تقول تلاقي سكات
تيجي تحس بشمس الحياه
تلاقي بين خيوطها سواد
مستنيه ايه بعد هجرك
هو ينفع كسر الخواطر
ولا مشاعر بتعشق رماد
نصيحه مني ارجو اقبليها
زي مافيها مشاعر تهرب
فيها اقدار
وزي مافيها ليل بسواد
فيها عيونك تبقي نهار
بقولك جد ومش بهزار
اوع تبيع حبك بسهوله
وكأنك تلميذ في الروضه
او طفل لسه في سنة اولي
اوع تتنازل عن حبك
او تعجز انك توصله
كأن مشاعرك مشلولة
احمد عبدالحق
ليست هناك تعليقات:
إرسال تعليق