قصيدة غنائية تحت عنوان {{كل ليلة}} بقلم الشاعر المصري القدير الأستاذ {{محمد البريمى}}

شعر غنائى ..

(( كل ليلة ))

كل ليله يجينى طيفك ف المنام .. يرمى السلام  و يمشى ف سكات

و يسيبنى سهران  لوحدى .. للدموع و الآهات ..

م يقوليش  جايلك بكره .. و أستناه يوماتى على فكره ..

و قلبى يسألنى كام مره ..  غاب ليه و قطع الجوابات ..

         كل ليله بيجينى

خايف أندم و ألوم نفسى .. إن حبيتك ف يوم م الأيام ..

و إنت ناسى كل كلمه قلتهالك ..  بشوق ة هيام 

ياريت تكون  فاكر .. بس إزاى و إنت مهاجر 

مع الطير المسافر .. بتطول ف البعد و الخصام . 

         كل ليله بيجينى

كل ليله أرسم ف صورتك  .. تفكرنى بليالى زمان ..

عايز أحس إن  ف جو تانى .. بعيد عن الأحزان

عايز أتغلب على حنينى .. يمكن تقدر تنسينى 

بعدك اللى كاوينى .. بنار السهد و الحرمان .. 

          كل ليله بيجينى ..

بقلم الشاعر الغنائى ..

محمد البريمى ..