قصيدة شعبية تحت عنوان {{سيري مع الريح}} بقلم الشاعر المغربي القدير الأستاذ{{المصطفى نجي وردي}}

....................سيري مع الريح ....

ما ينفع معاك

لا حيلة ولا عار

النية بالنية والحاجة مقضية...

اللي يلعب بالنار

ويلعب بلعباد

ونفسو على الشر مطوية

يحصد النار

وكبدتو مشوية...

يا اللي اسمها بالفا مبدية

والتفاح ف اجناناتو مجنية...

عاودي لحساب

ونتمنى ليك أيامات 

بالخير مروية

 واجناناتك ديما مسقية...

كفاني منك سموم وتمزاق

وما راعيتي للعشرة الشتوية..

كويتي القلب

وارميتي كل ما  بنيناه

شوية بشوية

سيري سيري

طلع  عليك النهار

 وعليك ظلامت لعشية...

   يتبع..

       المصطفى نجي وردي 21\9\2020

               الناظور-المغرب