مالك يا ضي عيني
..............................
حاسة إنك تعبان
قولي وريح حنيني
ليه أنا شيفاك حيران
سمعني بس صوتك
حساك أنا من سكوتك
وسمعة نبض قلبك
أنفاسك وشرودك
عارفة بداري حبك
مش عايز تشكي همك
بس أنا حتة منك
وعايشة جوة قلبك
ضم أيديك في أيدي
أهدى وطمن عينيك
مهما الزمان بعدنا
أنا مش هكون غير ليك
وحياة أنا حبي ليك
وحياة نظرة عينيك
أنا أبيع الدنيا ديا
والعالم وأشتريك
مهما يطول بعادك
ولا تزود عنادك
هيفضل قلبي جمبك
مخلوق وعايش عشانك
أعرف قلبي ده ليك
وتملي بين أيديك
عمر ما يقسى عليك
ولا ينسى لياليك
متقولش كلمة حبيبي
عارفة إنك زهقان
من الدنيا واللي فيها
والعيشة دي كمان
أنا بس اللي أحسك
وقلبــي مشغول عليك
بيني وبينك بلاد
وعارفة أنا إيه اللي فيك
روحي دايما معاك
فايتة قلبي وجياك
صدقني يا حبيبي
أنا حواليك ومحوطاك
أنا بتنفس عشانك
أنا هنا وأنت مكانك
قلبي هيفضل مكانك
ولا يوم ولا مرة خانك
حبيبي الله يخليك
قلبي ملهوف عليك
بروحي أنا أفديك
طمن قلبي عليك
مالك يا ضي عيني
حاسة إنك تعبان
قولي وريح حنيني
مالك شيفاك حيران
2020 /18/9
:
#ماجدة_البهيدي
:
ليست هناك تعليقات:
إرسال تعليق