جمال رباني
…………
من تاني
رجلي واخداني
على الترعة
ف قعدة رايقة
ع النجيلة
تحت نخلة
أقعد أدلدل
رجلي ف الميا
نسيم عليل
يطوف بيا
يسطلني
وعيني سارحة
فى ملكوت تاني
ف جمال
الزرع والخضرة
وناس كتير
ف الغيطان
بيزرعوا
الخير حواليا
ودخان نار
يعملوا شاي
ويعذموا عليا
وأنا مش
سامع إلا صوت
خيالي
وهو سارح فيك
ياأم الجداايل
ذهب أصفر
سارح على صدرك
وعود القصب
رسمك
غزال
بيمشي يتمخطر
وأنا سارح فيك
ومش
شياف ولا سامع
حاجة تاني
وأحلامي
خدتني بعييييد
وانا لسة
ف مكاني
ورجلي
لسة
فى الميا
جت عليا
المغربية
تنادي عليا
قمت
من مكاني
ركبت حذائي
طار بيا
ورجعني
مكان
ما كنت
من تااااااني
……………..
بقلمى / جمعه عبد المنعم يونس
مصر العربية
ليست هناك تعليقات:
إرسال تعليق