إنتفاضه
🧟♀️إنتفاضة🧟♀️
راح فين ضمير الأمم
ياللى حيائكوانعدم
حسرة على عالم
ساكت سكوت الصنمـ
داس ع الأصول والقيمـ
بينصر الظالمـ
وبييجى عـ للى انظلم
راح فين ضمير الأممـ
***
يامجرمين
يامفسدين
ياتجار السلاح
ياصناع الجراح
لساكو ماشبعتوش
من دم السورييـن الغالى المستباح
لسه فوق الدمـوع
رح يمشيلكم قدم
راح فين ضميرالأمم
***
الحق مش عليكو
الحق ع المسلمين
اللى ف بلادنا سابوكو
بسلاح رايحين جايين
رافعين ليكم علم
راح فين ضمير الأمم
***
سوريا عايشه فى ضيم
من بعد دمار أليم
بأه فيها طفل يتيم
وشاب مش سليم
وكتير بره الحدود
من حضنها اتحرم
وبيت كان عش ناسه
عليهم اتهدم
راح فين ضميرالأمم
***
سوريا مش ناقصه تانى
دموع ودم وخسارة
دالكل فيها بيعانى
ياللى قلوبكم حجاره
كفايه حزن وألم
الحرب مش سيجارة
تشعلها وتنسجم
راح فين ضميرالأمم
إنتفاضة
شاعرالإحساس
رضاعبدالحميد
ليست هناك تعليقات:
إرسال تعليق