بمناسبة انتصـارالسادس من أكتوبر العاشر من رمضان عـام ١٩٧٣
رباعيات
(رباعيات الجندى المصرى)
الله أكبرالله أكبر بتهد الجبال
وتعمل ف قلوب العدا زلزال
الله أكبر رفعتنى على بارليف
وانا شايل على كتفى مدفـع الميم دال
✌✌✌
النصـر من الله بعد الـُعده والتخطيط
النصرمش فهلوه ولاحظ ولا تنطيط
اللى عليكى يامصر يجرأ ويتعدى
من الآخرغبى وغشيم وعبيط
✌✌✌
خيرجنودالأرض بحديث الرسول
إحذرتقَرب يامعتـدى م الغوووول
المصرى عشان مصر عاشـق خروج الروح
ولسه تراب سينابدمنا مبلول
✌✌✌
فضلت مخدوع بتقول مافيش قدك
وانـك لاتقهر ولا نقدر على صَدك
أنــاجُند مصر ماحد يكسرنى
لوكنت ناسى التاريخ اسـأل أوام جِدك
✌✌✌
أكتوبرالمجيد عايش فى القلوب ذكرى
وخِطته فى الكتب باقيّـه للجيوش فِكره
عمرك ماتهزمنى إلاإذا
فات الجمل من فتحة الإبره
✌✌✌
لا تقولى تانى بارليف ولاتقولى شارون
اصحى وفوق مالوهم إحذرنى يامجنون
إعمل لغضبى وردعى ألف حساب وحساب
أنا مصرى أنا مختلف عن كل جُند الكون
✌✌✌
أناحبى لمصرجوه الدماثابت
أنامن نيلهاوطينهـامن الجذور نابت
باحفر لكل عدو تحت القدم قبره
لاعمرى سِبت مصر ولاهيّا كمان سابت
✌✌✌
أنـاجند مصرمعروف بجبروتى
وعشـان ترابهايرخص لها مـوتى
أنا اللى ساعةالحروب فوق ماتتصور
واناإللى ساعة السكوت بَرّبِى لك حُوتى
✌✌✌
فـى البروالجو والبحر ليَا أسود وأسود
فى الصـمودوالتحدى مالى مثيل موجود
ببأه بحـورمن لهب ببأه جحيم ورعود
على كل من يِعتِدى أو يوم يمس الحدود
✌✌✌
أكتوبرالمجيدنصرهزالوجود
وشرف لجيشنا طول الزمان ممدود
ومهمـاقولنالجيشناأبداماهـَنـْوفيش
وكلامـناهيبأه فى الإنتصارمحدود
✌✌✌
أنـا جُند مصر اللى أهلهافى رباط
مسلمين فى محبه عايشين مع الأقباط
لافتنه ولاإرهاب فينا هيأثر
مصر بحفظ الله أمنهامتحاط
🌙+ 🌙+
رباعيات
شاعرالإحساس
رضاعبدالحميد
ليست هناك تعليقات:
إرسال تعليق