قصيدة غنائية تحت عنوان {{خلصت اللي عندي}} بقلم الشاعر المصري القدير الأستاذ {{محمد البريمي}}

 

شعر غنائى ..

(( خلصت اللي عندي ))

أنا خلصت اللى عندى .. إنت قول اللى عندك ..

عايز أسمع أنا منك .. يهمنى قوى ردك 

يا توفقنى على كلامى .. يا إما تهدم أحلامى ..

و أخسر حياتى و دنيتى .. بدلعك و عنادك ..

        أنا خلصت اللى عندى ..

لو إنت عايزنى قول .. م تداريش عليا

قول كل اللى ف قلبك .. إن كان حب ولا أسيه ..

عايز أطمن على حالى .. حبى ف قلبك ولا إتغير 

عايز أقولك ع اللى جرالى .. بعد الأشواق و الحنيه ..

          أنا خلصت اللى عندى

أنا إتخدعت و السلام .. كنت فاكر حبك ملاك

مش هيكدب أو يخون .. لما يقول أنا بأهواك

الحق عليا اللى طاوعتك .. و مشيت ورى أمل كداب ..

م كنتش أعرف إنك .. هتبيع ف يوم هواك ..

        أنا خلصت اللى عندى ..

بقلم الشاعر الغنائى ..

محمد البريمى ..