بنادي عليك
أسمع لقلبك وبص في عنيا
قرب مني وألمس اديا
سيبك من عنادك وطل عليا
ماانت القلب والفرحة اللي جايا
حبيتك أنت بكل ما فيك
أسمع مني بنادي عليك
لو مرة بس في يوم تفكر
مين على التاني بغضبه بيقدر
داانا وحياتك عمري ما أفكر
اجرح فيك لو حلمي اتكسر
بص كويس جوا عنيك
تلاقي حبي هايم حوليك
وباعلي صوت بنادي عليك
ياللي زماني إحلو بقربك
حياتي راحتها بلمسة قلبك
وكل العمر هعيشه أنا جمبك
بطل تزعل وتزود عندك
شكوتي واحدة ومنك ليك
أسمعها مني بنادي عليك
نفسي تقولي بتزعل ليه
بتجرح قلبي وتبكي عنيه
وزعلك ده أنا مقدرش عليه
قولي حبيبي بتزعل ليه
بقلبي وروحي وعمري شاريك
وبلسان قلبي ناديت عليك
كلمات
(أنس البلقيني)
ليست هناك تعليقات:
إرسال تعليق