"أجمل هدية لأمنا"
كلمات / منصور عياد
يا أمنا
شايف ملامح الانكسار
والحلق فيه طعم المرار
يا أمنا
صوتك بيعلى في السما
قال عرب اتوحِدوا
يومها العرب
سمعوا الكلام
أخدوا القرار
واتوحَدوا
يا أمنا
حالف تعودي لضحكتك
والنور يلالي في سكتك
والناس تبارك خطوتك
وتقول عمار يا مصرنا
مفيش فرار
لازم نرجع حقنا
قالوا لنا
متفكروش في المستحيل
قلنا العبور هو السبيل
والكل شاف إزي بترسم مجدنا
وازاي نرجع حقنا
مين زينا
واحنا في عز النهار
أعداءنا شافوا الويل
وليل حطم غرورهم
يا دنيا المستحيل
احنا هنقول له لأ
عبورنا أكبر دليل
راح يرجع بيه الحق
إرادتنا هيا القوة
بتزلزل الاحتلال
والخوف يسكنه من جوه
ودي فايدة النضال
طفينا نار الشوق لسينا
وأدى الكرامة
شمس هلّة بين ايدينا
الله أكبر قالها الجنود
قوتها فوق كل الحدود
فِ الجو نار عَ البر نار
و عبرنا في عز النهار
سامعين يا سينا غنوتك
شايفين ملامح فرحتك
مهما يطول الانتظار
لازم هيجي الانتصار
دا حلمنا دا حلمنا
راجعين وسينا في حضننا
أجمل هدية لأمنا
ليست هناك تعليقات:
إرسال تعليق