(حال الحي)
طبع البشر قاسي
وحياه فى غابة وحوش
وبحر بلا مراسي
والطمع مالي النفوس
وعم الضمير عاصي
وكل همه فلوس
الغني على رأسي
وع الفقير بندوس
فى الغابه بيقاسي
فى رحايه بين تروس
مفيش حساب للأخرة
مهما شرحت دروس
غدر البشر باين
وفى كل شيء محسوس
بيأمنوا الخاين
ويمينه كله غموس
كرامه وشرف هاين
لجل يعبي كروش
لدينه مش صاين
ضلال ع الجبين منقوش
حق الغلابه ضايع
لو طالب بيه محبوس
عليه يطيع ألأوامر
وعلى إيد الكبار يبوس
لسان الضلال ناطق
ولسان الحقيقه مخروس
غلبان ويتوارى
وخداع وريشه منفوش
طمعان بلا رحمه
وحق اليتيم منهوش
وبرزقه مش راضي
ضميره ضمير مغشوش
نهبه على الفاضي
دنيا ماليها أمان
راضي أو غير راضي
عمر كأنه ما كان
وحكم فيها قاضي
كل إللي فيها فان
قبرك عليك بينادي
إحذر أوانك آن
خليني عليك راضي
دا جوا بطني ديدان
وسكني مش عادي
تقاك مني أمان
ولو بالقليل راضي
جوايا تكون كسبان
تدخلني إيدك فاضيه
جوايا مفيش سلطان
لا الحرير فرشي
ولا عندي ليك خدام
إحذر وخاف ضمتي
بتكسر إلأوصال
كل إللي ينفع فيا
صالح ألأعمال
بقلمي
نبيل عبدالحليم
17/11/2020
ليست هناك تعليقات:
إرسال تعليق