أحلام عاشق
******
خايف أكون أنا العاشق بلا أحلام بلا ندمان
واملى الكون سراب كاذب من الأوهام ومن الأحزان
وأنت ياأملي مش داري بشوق قلبي غرام وحنان
كل رمش من عينك بيجرحنى كأنه سهام من النيران
امتى بس حتحنى ونتلاقي في أي زمان
ساعتها حشوف الكون زاهر والورود ألوان
جايز أكون أنا بحلم وماشي فى سكة التوهان
قوليلي أكمل المشوار ولا دى سكة النسيان
وأنا عمري ياعمري في حبك مش حكون ندمان
حعيش في الحلم وأملي نتلاقى في أي مكان
حتوه من نظرة عنيكي وأنسى أسمي والعنوان
بس أنت رقي وجاوبيني وبادليني ده أنا إنسان..
بقلمى - مصطفى عبد النبى
ليست هناك تعليقات:
إرسال تعليق