شعر غنائي شعبي تحت عنوان {{يعلم ربنا}} بقلم الشاعر المصري القدير الأستاذ {{محمد البريمى}}

 

شعر غنائي ..

(( يعلم ربنا ))

يعلم ربنا إنتى غاليه قد إيه .. و غلاوتك ف قلبى بتزيد كل يوم ..

إنتى اللى ف بالى تملى .. و سارقه من عينى النوم ..

من كتر منا بحبك .. مشتاق أسمع صوتك ..

بس اللى مانعنى عنك .. هو صمتك و سكوتك ..

         يعلم ربنا ..

يعلم ربنا و يشهد .. على حبى المجنون .. 

حبيت كل م فيكى .. مش ناقص غير مأزون ..

يكتب كتاينا يا دوب .. و يعلى الجواب ..

و نعيش أنا و إنتى .. على طول أحباب ..

         يعلم ربنا ..

أنا من يوم م عرفتك .. و إتغيرت كل حياتى ..

ما بقاش ف قلبى غيرك .. و الشوق بيزورنى ليلاتى ..

قبل م أقابلك كتت شريد .. لا ليا صاحب ولا حبيب ..

صبحتى إنتى كل حبايبى .. يا أحلى قسمه و أحلى نصيب ..

         يعلم ربنا ..

أنا طويت الماضى بحاله .. و نسيت عذابه و جراحه ..

القمر معايا كله .. كفايه عليا صباحه ..

عايز إيه أنا تانى .. هديه و جاتلى من السما ..

م عمرى كنت أحلم بيها .. لو قعدت ميت سنه .. 

       يعلم ربنا ..    

بقلم الشاعر الغنائى ..

محمد البريمى ..