معزول
كلمات إسلام عامر ... مصر
معزول
قافل بابه طال غيابه
باع الدنيا وكل مافيها
كل جراحه مين يداويها
مين الجاني مين مسؤل
معزول
غصب عنه معذور
ياما اتحمل مجبور
إنه يكمل للنهاية
حلمه لسه ف البداية
فقير صحيح إنما
رافع راسه ف السما
ولا كان ف يوم
أبدا مذلول
معزول
مهما تطول الحكاية
مستحيل يقول كفاية
صبره لسه ف أوله
وجعه قادر يتحمله
رافض يعيش يوم مكسور
معزول
اللي قريب منه شايف
إنه شجاع ومكنش خايف
من انس شيطان كان ملعون
معزول
يتغلب ع الظنون
قلبه ياما شال هموم
بكره تبعد الغيوم
تتمحي دموع العيون
والحزن يهجر الملامح
رد فعل لكل جارح
تضحكله الدنيا
بكل جنون
معزول
ليست هناك تعليقات:
إرسال تعليق