. . إسمو صديق . .
من بلد منسييٍّ
ببلاد مهجورة
ما إلها طريق
أنا بنت المهباج
و البن الرقيق
وعَريحة الهيل
من الصـبح أنا
بوعا و بفيـق
تاشوف الطبيعة
والعصافير ومنظر
سحروُ رقيق
والشمس من بزوغ
الفجر تعمل
من خيوطها بريق
والمطحني دايري
تـرن و تعمل
من القمـح دقيق
صوتها طربني
متل معزوفة
وإيقاعها دقيق
والعصفور غرد
يغني متل
عاشـق وعشـيق
يفتل بالمسا
يدور ويبحث
عن شي رفيق
متلو أنا تايهة
ببحث عن صـديق
يكون صادق صدوق
و يكون إســـــــمو صديق
ـ""""""""""""""""""""""""""""""ـ
شعر بالعامية
العاطفة الحرة ميسا عزام
سوريا
ليست هناك تعليقات:
إرسال تعليق