هو لازم نحسه
وتعملواله عيد
وعشان نحس انك قريب
لازم نحسك في الاول بعيد
لا والله
تفرق كتير
انك تحس بحبك مواسم
وانك تحاول كل مرة
يكونله مراسيم
وهو بسيط
نظرة حنين جوا العيون
لمسة حنان من ايد لايد
مش مهم حبة هدايا
مش مهم الدباديب
المهم تحس الحبايب
تحس بين نفسك حبيب
والله ماتفرق
قريب كان
او كان عنك بعيد
الحب نوع من الاشتياق
حس ديما بخوف مالينا
من اي نوع من الفراق
واكمني واخد علي المشاعر
واكمني محسوب عليهم
كوني شاعر
بعترفلك كل دقيقه بنا حب
كل دقيقه مزروعه ديما
ماانا عندي ورده
بس مرسومة بنبض قلب
كل نظرة من عيونك
عيد بحب
كل دقة احس بيها
ليك حب
حتي بعدك
حتي عندك
حتي لما تغيبي عني
بحس حب
ولماتقسي
ولما تحاولي تفهميني
بانك بتنسي
بعيش في حب
وعلي راي الست ثومه
حب ايه
اللي انت جي تقول عليه
انت عارف معني الحب ايه
عندك ياحبيبتي اعتراض
ولا ايه
انت الوحيده
اللي لكلامي بتفهميه
وتحسيني
والاروع بين كلامي
انك بترسميه
كل عام وانت معايا
تحسيني واحسك
تحبيني واحبك
وتعلميهم الحب
زي ماتعلمته
وفهمته
وزي انت معايا اتعلمتيه
احمد عبدالحق
ليست هناك تعليقات:
إرسال تعليق