كل مرة اشوفك فيها
بتحاولي بتداريني
قال ايه مش فارقه عندك
فاكرة يعني
الحضور زي الغياب
ولا قدرت في عنادك
بتأدبيني بالعذاب
فاكرة ايه
محتارة ليه
بتحسسيني
عاوزة تفهميني
ان حبي كان سراب
لا وحياة حبي ليك
كله عندك ممكن يروح
بلمسة حنين
بنظرة من عيونك الطيبين
ممكن يروح
من حضن بعتاب
داري زي ماانت عاوزه
اهجريني
اوهميني
بان كل اللي بينا
راح وغاب
بس امانه اوعاك تفهميني
او تحاولي جواك مرة
مجرد محاولة تطلعيني
ممكن اقولك وبامانه
كل مرة تحاولي تنسي
بتحاولي تقسي
بتحاولي عنك تمنعيني
الاقيك غصب عنك
غصب عني بتقربيني
ممكن سؤال
هو يادوب سؤال
ليه كل مااحسك
الاقيك في لحظه بترجعيني
احمد عبدالحق
ليست هناك تعليقات:
إرسال تعليق