* بتقول *
............
*بتقول ننسي اللي كان.....
من العشق ومن الغرام......
ونعيش زي الصحاب.........
أومال حبك دا فين...........
وإزاي عشق السنين........
يضيع زي السراب...........
*قدر قلبك يقولها..........
ولاهموش الكلام...........
تطعن فيا بحروفها.........
وتقولها لي كمان..........
قدرت لقلبي توجع........
بلاش تجرح وتخدع.........
كلامك أه بيوجع.............
كسر فيا الأمان.............
*ما أقدرش أعيش لغيرك..
وإنت مني القريب...........
وإزاي ألمح في ليلك.........
قلبي يصبح غريب............
إبعد خليني أسامحك..........
نسيني الشوق بجرحك.......
داب قلبي من شوك طرحك.
ياللي إسمك حبيب............
*ياما ناس قبلك وباعوا.......
وجرحوا قلوب كتير...........
منهم قلوب وضاعوا...........
جوا الحزن الكبير..............
لكن قلبي إللي حبك...........
اليوم هيعلن رفضك............
ويقولها قبل منك..............
بينا الفراق يصير..............
#كرم ميخائيل
ليست هناك تعليقات:
إرسال تعليق