بيني وبينك عالم تاني
يمكن شوق
يمكن حلم
غيرة برقة
وساعات يمكن حب اناني
قالوا ده شاعر
مسجون مرة جوه حروفه
ولما يحس بغربته مرة
يعشق خوفه
ولما اوجاعه بتكتر حبة
تنزل دمعة
بس بتزل مرة في جوفه
اصل الشاعر لما يحس
قوام يتحس
يتذؤق
يتجمل
تتباهي بمشاعره حروفه
هي ظروفي زي ظروفك
لما بخاف
بحس بخوفك
بيني وبينك
قلب صغير
محتاج ديما حضن يضمه
كل مايبعد عنك
يحتاج امه
ولما يحس في لحظه بغربه
حرفه يحسه
يجري بسرعه برقة يلمه
بيني وبينك حاجات وحاجات
مرة احبك بصوت مسموع
ومرة سكات
مرة احسك شوق بدموع
ومرة اهات
عارفه حبيبتي حاسس ايه
باني بحبك
وعشان حبك
هحبك اكتر واكتر
علشان اللي بيني وبينك
عالم تاني
اول مرة اشوف المجني
هو الجاني
اول مرة احس بحرفي
شوق بمعاني
اول مرة احس بنفسي
لما بشوفك
اني عايش انسان تاني
عالم تاني
مرة احبك حب ملايكه
ومرة احبك حب اناني
احمدعبدالحق
ليست هناك تعليقات:
إرسال تعليق