( نفسي لحظه )
بقلمي / جمال القاضي
-----------------
نفسي لحظه تكون معايا
أنسى فيها كل حاجه
أنسى فيها حتى نفسي
وقلبي فيها يقول لقلبك
بحبك حب باقي ملوش نهايه
نفسي لحظه أكون بقربك
أحس فيها دفء قلبك
وأحس فيها دفء المشاعر
دقيقه حتى أو ثواني
نفسي لحظه فيها صوتك
منه أسمع كلام تقوله
عن حب قلبي لما قالك
حبيتك أنت ومش حد تاني
نفسي لحظه أشوف عيونك
وأشوف كمان جمال لوجهك
زي بدر في ليله طالع
فوق سحاب وبقلبي داير
نفسي لحظه أكون معاك
أحكي فيها عن حبك إنت
ومع الحكاوي أحس قلبي
زي طير داير يرفرف
وفي سماه يقول أغاني
نفسي لحظه تكون بقربي
ولسانك أنت يقول بحبك
كلمه قلبي ومن جمالها
يقول لقلبك قولها تاني
--------------------
مع تحياتي ( جمال القاضي )
جمهورية مصر العربية
الاربعاء 10/2/2021
ليست هناك تعليقات:
إرسال تعليق