إبن الأصول
خليك انت كمان زيهم
و ألبس قناع كدبهم
لون ضحكتك صفرا
راح تأمن من مكرهم
أضحك وانت بتئن من ظلمهم
و داري وجعك في وشهم
بكرا الأيام راح تدور
مايلاقوا حد يترحم لهم
نفوسهم ضعيفة والخسه طبعهم
صفات النفاق ملعبهم و أرضهم
خليك حويط بكرامتك
يا عيني عليك لو ماكنت زيهم
ربايتك تشرفك لكن تزلهم
نفوسهم واطيه من صغرهم
عايزينك بعين مكسورة
زيك زي تربية أهلهم
أوعاك تيأس قادر ربك على شرهم
خليك كما النخل واقف في حلقهم
لو دورت على تاريخهم
شوية لبلاب زاحفين على بطنهم
كرامتك سيف بيدبحهم
صمودك بيقل من شأنهم
هو كده حال الكريم
و ده حالهم و أصلهم
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
ليست هناك تعليقات:
إرسال تعليق